我12月番左香港過Christmas, 所以今日就約左另一位網主C.N.W.一齊去港台搵Anna! C.N.W.話Anna3:00做完節目, 應該大約3:30會走, 所以我地食完lunch, 大約2:55到達港台! C.N.W.話Anna架車係藍色, 所以我地就開始留意有無人去parking lot攞車, 點知過左一陣, 就見到有個長髮既女仔行出黎去攞車, 但由於個女仔帶左太陽眼鏡, 又帶埋頸巾, 而且佢 又唔係去緊藍色車既方向, 所以C.N.W.同我都好疑惑, 唔知係唔係Anna啦!

於是我地就再行近D, 就發現個女仔愈來愈 似Anna, 咁我地就行去停車場出口等! 後來見到真係Anna揸住架銀色車出黎, 我地兩個當然好興奮, 於是同Anna揮手, Anna好有禮貌咁攪低玻璃窗同我地say hi, 跟住我就話比Anna知我係Katherine!! Anna就話: "你係Katherine呀!" 然後Anna就好好人咁停埋一邊落車同我地傾計!

首先我就送左份禮物比Anna, 然後就講下大家係Christmas做過D咩呀! Anna話佢平安夜出左去同朋友食飯, 跟住就番屋企, 佢話條街好多人呀! 後來我同C.N.W.就比D相同雜誌Anna簽, 係Anna簽名期間, 我就問下佢上個月去澳洲做咩, 原來Anna話佢係去做華裔小姐個show! 後來到Anna簽到一本96年既雜誌, 由N.C. Girl做封面既時候, Anna就好攪笑咁話唔好比佢睇, Anna好似話好醜怪, 佢話都係鍾意自己近期比較有女人味既相多D啦!! (哈哈~~~我就話Anna幾時都咁靚咁sweet啦!)

簽完名之後, 我就問Anna可唔可以同我影張合照, 當然Anna好樂意啦, 而且仲影左張單人相比我地放上網! Anna同我地傾計期間, 仲成日多謝我地幫佢整網頁!! (真係客氣啦~~嘻) 跟住我地唔想阻住Anna咁多時間, 因為佢其實停左係馬路旁邊, 所以我地就say bye-bye走啦! 見到Anna揸車走, 我同C.N.W.就去左信和"掃貨"去買Anna D新相啦! 差唔多張張Anna既新相都比我地買晒呀!!! ^_^

後記: 今日真係好開心, 終於都可以見到Anna!!! Anna真係好nice, 好靚呀, 而且佢對fans好好!!! 雖然Anna話自己今日無化妝, 但我同C.N.W.都覺得Anna一樣好有女人味, 好靚女, 同keep得好好呀! 而且真係唔似佢既真實年齡啦 :P~~~~ 但事後, C.N.W.同我都發現由於我地見到Anna太開心同太緊張既關係, 所以有好多野都唔記得左問佢, 真係可惜!!! 仲有, Anna不停咁問C.N.W.洗唔洗影張合照, C.N.W.就話唔洗唔洗啦, 其實係因為C.N.W.太興奮太緊張呀!! 哈哈~~~anyway, 好多謝C.N.W.帶我去港台搵Anna, 而且仲係我地兩個第一次見面! 仲有好多謝Anna停低同我地傾左一陣, 而且終於可以同Anna影合照啦! 我今日真係好開心啦!!!!! Thanks Anna & C.N.W. :)

Katherine

12.25.203