莫：有呀，我果個係會唔放過我，雖然佢唔係一個嗌交型，但佢係一個道理王，其實每次嗌交都係為左一些瑣碎的事，所以我覺得唔值得就唔想嗌。但是嗌完些小事，有時感情又好似比之前仲好，但始終嗌交都係好傷，嗌交有時講出口的說話係收唔返，所以我唔mean佢的說話我唔會講。

黃：我好少嗌人，多數都係比人嗌的那一個，嗌交的時候，對方講了一些說話傷到我，到下一次嗌交時又會講另一些說話來傷我，我就會感到雙重打擊，到這些事情發生四，五次後，我就會同自己講，算吧，然後靜靜地離去。

楊：我小時候比較喜歡嗌交，覺得自己有咩唔喜歡就會講出來，唔識去忍和退一步，由細到大，爸爸媽媽都好寵我，身邊的人都好遷就我，所以拍拖的過程係比較多嗌交，幸好我身邊的男朋友都很有耐性，很有忍耐力的。

丘：我本身由細到大都唔喜歡嗌交，我係嗌唔到交的一種人，當我遇到不如意，唔舒服的事，我那一刻會不作聲，但是會黑面。

丘：其中一個導致嗌交的原因，就是我接受唔到對方蠢，又無IQ，又無EQ，真係好難忍受，另外就係，對方英文唔好唔緊要，但唔好在我面前扮識講英文，咬字又錯，Grammar又錯。

丘：另一個導致嗌交的原因是飲醉酒，我有個朋友的男朋友，曾經試過借酒行兇，飲醉酒之後對女友動手，我覺得這種行為很差勁。

莫：我之前都試過有一個男朋友飲醉酒之後會亂發脾氣和掟東西，這就是我漸漸對他反感的原因。

黃：我飲醉酒之後只會傻笑，基本上我都知道自己做緊咩，所以唔會因為呢個原因而同人嗌交，但之前我都試過同幾個韓國女仔拍拖，韓國女仔好多都鐘意飲酒，佢地酒量好大，飲完酒亦都會變得很粗魯，我地無試過因為飲酒而嗌交，但是她們飲酒後就會變得手無足蹈，可能會突然間捉住錫你一下，不過力度就比平時大十倍，令我擔憂他日佢飲醉酒之後會將我強暴。

丘：咁大家有無試過因為男朋友在街望女仔，又或者女朋友在街望男仔而嗌交？

黃：很多時候我都會看，好老實講，一個男仔同你講，佢完全唔會睇其他女仔，我覺得係呃人，我都會睇下，若果看到一個女仔樣靚，望一望我都覺得OK，但係若果是由頭望到落腳，我覺得真係好猥瑣，又沒禮貌，我身邊其實有幾個女朋友都會睇男仔，然後覺得佢地幾好樣，咁我其實有一個缺點，就係我唔會呷醋，咁有些女仔就好憎我呢樣野，覺得我唔緊張佢地，但係我覺得呷醋係無補於事，有時候個女仔問我覺得個男仔點，我話OK，幾好，但係當掉返轉我見到個靚女，問返個女仔，咁就出事喇，但係平時佢地又好大方，講到明可以各有各睇，但係到你真係睇的時候，佢就會嗌你喇。

楊：有些人成日話男仔唔喜歡嗌交，但女仔就很喜歡挑一些雞毛蒜皮既事黎嘈，但係其實佢嬲的未必係這件事…但係佢又唔會講比你知宜家嬲緊咩...

黃：這個情形我都有試過，但係我覺得個男仔慢慢發覺個女朋友成日挑一些雞毛蒜皮的事來嘈，其實仲易嗌交.。.

莫：我唔識挑起一些雞毛蒜皮的事來嗌交，當然有些人識，但係我唔會挑起一個嗌交的話題，我會就這樣算了，我覺得同一個人相處了一段長時間，當然會試過嗌得很嚴重，到後來諗返，我地係咪要繼續嗌落去呢？還是就咁就算呢？咁你要想清楚，你對這個人愛得有幾深，愛得深自然就知道相處係要互相遷就。

丘：阿Jeff你從男仔角度你就覺得好多時都係因為單一件事…

黃：好似我地之前講過飲酒，飲完酒之後大家都會亂性，可能會多些嗌交，但係女仔每個月就會有一個Period，我有個朋友，每個月一到呢個時候就要同老公分房睡，我自己就比較好彩，未遇過女仔果段時間特別暴燥，但係我想問問女仔，果段時間會唔會特別容易發脾氣？

莫：果段時間我心情係會差D，但係就唔會特別發脾氣，未至於要去到分房睡的地步。

楊：我都會燥些少，但係就間歇性，如果那段時間工作又忙，咁就會特別燥，但係基本上我都OK，同埋我小時候好鐘意嗌交，但係到我大左，我覺得這是個進化過程，當你發覺原來嗌交係無咩用，每一段感情都係咁…我覺得自己宜家係睇化左，即係同一個人相處耐左，你會事先講明，我唔鐘意嗌交，同埋講定，有咩說話講左係收唔返，所以唔好隨便講，「if u don’t mean it，don’t say it」！